Две големи дербија во полуфиналето од ФА Купот

Клубовите од Манчестер се разминаа во ждребот за полуфиналето од ФА Купот кој се одржа денес.

Бранителот на трофејот Манчестер Сити во полуфиналето ќе ги одмери силите со Арсенал, додека Манчестер Јунајтед ќе се бори за финале против Челзи.

Вчера беа познати полуфиналистите откако Сити лесно го елиминира Њукасл, Челзи беше подобар од Лестер со 1:0,  додека Арсенал со 2:1 го победи тимот на Шефилд Јунајтед.

Претходно полуфинале обезбеди Манчестер Јунајтед, кој после продолженија успеа да го елиминира Норвич.

Полуфиналните дуели ќе се играат на „Вембли“ викендот на 18 и 19 јули, додека финалето е закажано за 1 август.

It's time for the #EmiratesFACup semi-final draw! https://t.co/WlJBf40qzD

— The Emirates FA Cup (@EmiratesFACup) June 28, 2020