Дани Олмо нов фудбалер на Барселона!

Барселона и официјално го потврди трансферот на Дани Олмо кој пристигнува од Лајпциг во трансфер вреден 55 милиони евра.

Олмо од Лајпциг се прости со емотивна порака.

„Млад клуб, млад играч…Пораснавме заедно, ги освојувавме првите трофеи и заедно испишавме историја. Два Купа и Суперкуп, имавме некои незаборавни моменти кои секогаш ќе останат дел од мене. Му благодарам на Лајпциг“, објави Олмо.

Набрзо потоа беше и официјално потврден неговиот трансфер во каталонскиот гигант каде што се враќа по 10 години и очекувањата од него се големи.

Договорот кој го потпиша со Барселона е со важност од шест години до 2030 година.