Според информациите до кои дојде „The Times“, селекторот на репрезентацијата на Англија, Герет Саутгејт нема намера да го повика Вејн Руни за натпреварот во квалификациите за Светското првенство против Шкотска, како и за пријателскиот натпревар против репрезентацијата на Франција.
Вејн Руни оваа сезона одигра 38 натпревари во дресот на Манчестер Јунајтед, во кој успеа да постигне осум гола и да запише 10 асистенции.
Александар Вучковски - сомелиер: Како македонските вина го освојуваат светот? ↓↓↓
Искусниот Руни е првиот стрелец во репрезентацијата на Англија на сите времиња со 53 постигнати гола во 119 настапи, а повредата на коленото не му дозволи да настапи на последните два репрезентативни натпревари.
Се се погласни шпекулациите дека менаџерот на Манчестер Јунајтед, Жозе Мурињо нема да смета на искусниот Англичанец во иднина, па Руни ова лето би можел да побара нов клуб, а сега изгледа дека овој фудбалер би можел да го загуби местото и во репрезентацијата на својата земја.
Учество во игри на среќа е дозволено за лица со 18+ години. Играј одговорно!