Гулит го советува Милан да го донесе Рајкард

Поранешниот играч од средниот ред на Милан, Руд Гулит, го советуваше раководството на клубот да го назначи неговиот сонародник Франк Рајкард за тренер.

Двајцата Холанѓани играа заедно многу години на „Сан Сиро“, кога клубот ги имаше своите најславни денови.

Во последните години Милан е далеку од врвот, па Гулит смета дека „росонерите“ треба да ангажираат холандски тренер за да им се вратат на успесите.

„Зошто да не го побараат Рајкард? Ако сакате вашиот тим да игра добро, потребен ви е холандски тренер. Да, знам дека Сидорф не успеа во 2014 година, но тој си плати за недостатокот на искуство. Тие не му дадоа доволно време, мислам дека Рајкард ќе биде вистински избор“, заклучи Холанѓанецот.