Грилиш го молеше Силва да не заминува 🎥

Во саботата Манчестер Сити го победи Интер со 1:0 и ја освои Лигата на шампионите за првпат во својата историја и така сезоната ја заврши со три освоени трофеи.

По враќањето во Манчестер следуваше голема прослава во која еден од најистакнатите беше Џек Грилиш. Играчот за врска беше најрасположен и на социјалните мрежи се појавија безброј видеа од неговите моменти.

На едно од видеата може да се види како Грилиш го моли Португалецот, Бернардо Силва да не си замине. Португалецот игра одлично, посебно во завршницата од сезоната, меѓутоа веќе на големо се поврзува со заминување од Манчестер, а како фаворит за неговиот потпис изгледа Пари Сен Жермен.

Jack Grealish to Bernardo Silva: “Please don’t go”. 👀 pic.twitter.com/UsVTVdnQBx

— 𝐄𝐑 (@ErlingRoIe) June 12, 2023