Барселона на чекор од големо засилување: Работата е речиси завршена!

По девет години во Манчестер Сити, Бернардо Силва (31) ќе си замине и ќе ја продолжи кариерата во Барселона.

Долгогодишен фудбалер на Манчестер Сити, Бернардо Силва, реши да се приклучи на Барселона. По многу време со „Граѓаните“, Португалецот своето идно одело го избра меѓу многу понуди, за Барса.

Според информации од Каталонија, договорот помеѓу Барса и фантастичниот играч за средина е 80 проценти комплетиран. Остануваат само некои детали и одговорот на тренерот Ханси Флик.

Силва прифати значително помала плата од онаа што ја заработуваше во Манчестер. Наводно, во Барса ќе добива некаде околу седум милиони евра на годишно ниво, што е 60 проценти помалку од неговата претходна сума.

„Бернардо Силва е 80 проценти дел од Барселона. Играчот се договори и прифати значително намалување на платата, наместо онаа во Сити.“ изјави каталонскиот новинар Микел Бласкез и додаде:

„Сè уште има неколку детали за да се завршат, а Ханси Флик ќе ја донесе финалната одлука. Изгледа дека Флик го сака, но тоа ќе зависи од одредени одлуки, како што е заминувањето на Марк Касадо.“

„Покрај Силва, не се очекуваат дополнителни засилувања во средната линија. Заминувања ќе има сигурно. Ако не се случат некои големи изненадувања, Бернардо Силва ќе биде нов играч на Барселона.“

Искусниот фудбалер ќе донесе нова енергија во средниот ред на шпанскиот првак. Се работи за навистина врвен играч.

Во оваа сезона имаше 47 настапи за тимот на Сити, при што постигна три гола и асистира на пет. Со деветгодишниот престој на Етихад извојува се што можеше, со 76 гола и 77 асистенции на 454 настапи.

Сити го доведе од Монако во 2017 година за 50 милиони евра, а кариерата ја започна во Бенфика од каде и потекнува.

Во изминатиот период беше поврзуван со Јувентус, Арсенал, Фламенго, а беше заинтересиран и Галатасарај, но на крај Барселона однесе победа.

Доаѓањето на Бернардо Силва совршено ќе се вклопи во стилот и стратегијата на Барселона за повраток на препознатливиот начин на игра. Португалецот е универзален играч за средина кој може да игра на крилната позиција, како класична „десетка“ или повлечен плејмејкер, и е навикнат на голем притисок и битки за трофеи на сите фронтови.

Во Манчестер Сити неговото заминување ќе остави празнина, иако тимот на Гвардиола е навикнат на реконструкции и нови циклуси.

Силва со години беше меѓу најдоверливите играчи во најважните натпревари, и навивачите на „Граѓаните“ се разочарани што омилениот Португалец повеќе нема да прави магија на Етихад.

Сепак, трансферот во Барселона му носи нов предизвик и шанса да го потврди статусот на еден од најкомплетните играчи за средина на својата генерација, истовремено помагајќи им на Каталонците да се вратат на врвот на европскиот фудбал.