Гризман мудро молчи за Барселона, но откри каде ќе ја заврши кариерата

Вчера како „бомба“ одекна информацијата дека Антоан Гризман од следната сезона ќе го носи дресот на Барселона.

Познато дека во договорот на Гризман со Атлетико Мадрид има откупна клаузула од 100 милиони евра и дека на крајот на сезоната сигурно ќе го напушти клубот.

Последните информации од Шпанија говорат дека Французинот веќе се договорил со Каталонците кои на крајот на сезоната ќе ја активираат клаузулата.

Сепак, таа информација се уште никој не ја потврдил, а самиот Гризман откри каде би можел да ја заврши кариерата.

„Сакам кариерата да ја завршам во САД, тоа би можело да биде интересно бидејќи таму живее мојата сестра“, изјави Гризман.

„Уживам во животот во Шпанија со сопругата и ќерката Миа, но сакам да имам уште две деца“, додаде Французинот.