Голеада на „Гудисон“: Тотенхем го победи Евертон во натпревар со осум погодоци (ВИДЕО)

Евертон и Тотенхем денес во рамките од 18-тото коло во Премиер лигата одиграа натпревар каков што ретко се гледа.

Тотенхем како гостин го совлада Евертон со неверојатни 6:2 и на овој клуб му го нанесе еден од најтешките порази на домашен терен во историјата.

Интересно е што Евертон прв дојде до предност. Се играше 21-та минута кога Волкот погоди за водство на домаќините од 1:0, но шест минути подоцна следуваше детал кој го промени текот на натпреварот.

Неверојатна конфузија во одбраната на Евертон во кој се судрија Пикфoрд и Зума ја искористи Сон кој погоди за иедначување. Уште „карамелите“ не беа освестени од шокот, а Спарсите стигнаа до пресврт кога Деле Али погоди за 1:2.

Во финишот од полувреме Хари Кејн постигна гол за 1:3.

Голеадата продолжи во 48-та кога Ериксен стралаше за 1.4, а Сигурдсон три минути подоцна намали на два гола заостанување. Во 61-та минута Сон се запишува одново во листата на стрелци и го постигнува петтиот гол на натпреварот. Во 74-тата минута Кејн исто така со својот втор гол ги постави конечните 2:6.

https://youtu.be/BEikDXdn87c