Ги одбива Манчестер и Челзи поради Баерн!

Екипата на Монако е апсолутен хит во Европа оваа сезона, а за играчите на овој тим се интересираат готово сите европски гиганти.

Една од најголемите ѕвезди на тимот од „кнежевството“ секако е Бернардо Силва. 22-годишниот плејмејкер игра клучна улога во тимот кој е лидер во Франција и за него силен интерес покажуваат Челзи и Манчестер Јунајтед.

Сепак, доколку им се верува на француските медиуми овој фудбалер веќе започнал преговори со Баерн Минхен и следното лето би можел да се пресели на „Алијанц Арена“.

Баерн е решен да го донесе Бернардо Силва бидејќи најверојатно ќе се раздели со Даглас Коста, а и Арјен Роберн е веќе во поодминати години.

Наводно Монако за потписот на својата ѕвезда бара 80 милиони евра, а Баерн ќе се обиде да ја намали таа сума и првично ќе испрати понуда од 60 милиони евра.

Медиумите тврдат дека Португалецот веќе го одбрал Баерн Минхен и ќе ги одбие сите понуди од други клубови.