Враќањето на Алегри во Јувентус значи дефинитивно заминување на Роналдо?

Веќе стана јасно дека Масимилијано Алегри ќе биде нов тренер на Јувентус.

Овој 53 годишен стратег се враќа на клупата на „старата дама“ после две години, а таму ќе го замени Андреа Пирло на кого ќе му биде врачен отказ после само една сезона на местото тренер.

Алегри со Јувентус постигна договор за соработка на четири години и договор вреден 36 милиони евра и се очекува да има целосна слобода во креирањето на на тим. Во Јувентус Алегри ќе има улога баш онаква каква што имаат англиските менаџери.

Со Алегри се очекуваат промени, а една од нив може да биде заминување на Кристиано Роналдо. Алегри не беше за Роналдо кога си заминуваше и неговата идеја и тогаш, а најавите се и дека сега ќе биде така, екипата да ја гради околу Паоло Дибала.

Одличниот стратег екипата ја водеше на 271 натпревар и оствари учинок од 191 победа, 43 нерешени резултати и 37 порази. Со Роналдо соработуваше во сезоната 2018/2019.