ВИДЕО: Тотенхем разочара, но победи со гол во 91-та минута

Во терминот од 16:00 часот во 17-тото коло од Премиер лигата беа одиграни пет натпревари.

Тотенхем се бори за пласман во Лигата на шампионите и со право може да се каже дека денес разочара, но на крајот некако успеа да освои важни три бода против Барнли.

Гостите се држеа добро се до 91-та минута, но тогаш Кристијан Ериксен постигна гол на асистенција на Хари Кејн, па домаќините славеа важна победа и сега Спарсите се на третата позиција со 39 освоени водови.

Најефикасен натпревар се одигра во Вотфорд каде што домаќинот славеше победа од 3:2 против Кардиф. Беше 3:0 за домаќините, но Кардиф успеа да намали на еден гол разлика.

Кристал Палас стигна до важна победа против Лестер (1:0), со ист резултат Њукасл славеше против Хадерсфилд. Два гола беа видени во натпреварот помеѓу Вулверхемптон и Бурнемоут каде што домаќинот славеше победа од 2:0.