Видео: Пандев и Џенова со пресврт го срушија Лацио

Горан Пандев беше инспиратор на големиот пресврт на Џенова против Лацио. Важна победа за Удинезе.

Џенова и Лацио го одиграа највозбудливиот меч во попладневните натпревари во Серија А. Гостите дојдоа во водство во самиот финиш на првото полувреме со голот на Бадељ.

Лацио подобро го отвори и второто полувреме, Кореа имаше шанса да зголеми на 2:0, а потоа следеше казна.

Пандев влезе од клупата и беше инспиратор на пресвртот. Најпрво Санабрија израмни на 1:1, а во самиот финиш Кришито со прекрасен гол донесе комплетен пресврт.

Емполи оствари голема победа против Сасуоло со 3:0 и освои важни бодови во битката за опастанок.

Удинезе конечно дојде со три бода со победата над Киево од 1:0 на домашен терен.