Вечерва важен состанок на Конте со претседателот на Интер

Претседателот на Интер, Стивен Жанг допатува во Германија и вечерва ќе одржи состанок со тренерот на тимот Антонио Конте.

Италијанските медиуми изминатиов период пишуваа дека Конте нема голема поддршка од раководството на тимот и дека многу лесно може да добие отказ.

Конте дури и јавно кажа дека нема поддршка од клубот. Тоа го изјави за Скај Спорт Италија по завршувањето на сезоната, а неговите зборови не им се допаднаа на челниците.

Амбициите на клубот и Конте прилично се разликуваат. Многу работи не функционираат, па вечерашниот состанок ќе биде вистинска шанса односите барем малку да се подобрат.