Буфон за првпат открива: Во детството навивав за Јувентус, па за Интер, Комо, Авелино…

Буфон е познат како навивач на Џенова, но сега легендарниот голман откри дека во детството сменил повеќе клубови.

Во разговор за официјалниот канал на Јувентус, Буфон откри нешто кое до сега не го кажал во јавноста. Легендарниот голман ги наброја клубовите за кој навивал пред да стане професионален фудбалер.

„Сакате нешто да ви откријам? Ќе ви кажам нешто што никогаш не сакав да го кажам како член на еден клуб. До мојата седма година навивав за Јувентус, потоа идол ми стана Трапатони кога премина во Интер го бодрев и клубот поради него. Потоа навивав за Пескара, Комо, Авелино, Кампобасо, а од 12. година бев фан на Џенова“, откри популарниот Џиџи.