Бруно Фернандеш конечно проговори за наводната расправија со Мегваер

Многу се пишуваше во англиските медиуми за наводната расправија на Бруно Фернандеш со Мегваер на полувремето против Тотенхем.

Ниту Мегваер, ниту Фернандеш или пак било кој друг од клубот не се огласуваа во јавноста на оваа тема. Сега, Фернандеш конечно се реши да зборува и тврди дека не се случувало ништо такво.

„Многу се пишуваше за тоа. Прво дека сум се расправал со повеќе играчи, па потоа само со Мегваер, па со Линделоф, а на крај со Солскјер. Сетоа тоа се само обид да не извадат од ритам. Ништо од тоа не е вистина. Тренерот ме остави во соблекувалната, но од технички причини. Ми кажа дека натпреварот е скоро готов бидејќи губевме со 1:4 и дека пред нас се уште многу натпревари. Не бев задоволен, но не кажав ништо, посебно не правев глупости пред соиграчите“, изјави Фернандеш.