Борнмаут – Кардиф: Големо дерби во Чемпионшип

Борнмаут се стреми да го зголеми водството на врвот на табелата во Чемпионшип кога ќе биде домаќин на слабиот сезонава Кардиф во четврток навечер.

Борнмаут сака победничка серија

„Црешите“ моментално имаат еден бод повеќе од второпласираниот Фулам и од третопласираниот Блекбурн Роверс, но веќе одиграа натпревар повеќе од Фулам. Бидејќи мечот на Фулам против Ридинг во средата беше одложен, Борнмаут има шанса да ја заврши календарската година со четири бода предност во однос на останатите во Чемпионшип.

Пред судирот против Питерборо на 3-ти јануари, ова е голема шанса за црешите да изградат одреден моментум по незгодниот период.

Тимот на Скот Паркер ја заврши серијата од шест натпревари без победа со победата од 0:1 над Квинс Парк Ренџерс во понеделникот, кога ударот со глава на Доминик Соланке непосредно пред полувремето се покажа како решавачки. И повторно по таа лоша серија без победа, оваа екипа е лидер. Интересно е тоа што екипата всушност ее само на седмото место во дивизијата по бодови собрани дома оваа сезона.

Затоа, ова може да биде интересна битка бидејќи гостите од Велс играат подобро на гости.

Кардиф забележува напредок

Кардиф освои 15 од своите 22 бода оваа сезона на гостински терен и се непоразени во последните четири натпревари на гостински терен.

Сините птици моментално се на 20-тото место на табелата во Чемпионшип, три бода над зоната за испаѓање. Во сезоната влегоа без сериозни амбиции, но очекуваа мирна сезона а не борба за опстанок.

Последните два натпревари на велшкиот тим се одложени, што значи дека немаат играно по ремито 2:2 на гостувањето кај Бирмингем на 11-ти Декември, кога Марк Мекгинис постигна израмнувачки гол во 91-та минута.

Од назначувањето на Стив Морисон за менаџер пред седум недели, Кардиф освои седум поени од можни 15, што значи дека екипата има сериозен напредок.