Бензема: Горд сум што се враќам во репрезентацијата

Карим Бензема после шест години се врати во француската репрезентација и ќе игра на Европското првенство.

Јавноста во Франција беше воодушевена што Дешамп го повика напаѓачот на Реал Мадрид со оглад на фактот што игра во фантастична форма.

Откако вчера и официјално беше објавен списокот на француската репрезентација на ЕП, денес се огласи и Бензема.

„Јас сум многу горд што се вратив во француската репрезентација и поради довербата која ми е пружена. Благодарам на моето семејство, пријатели, клуб и на сите вас кои секогаш ме поддржувавте. Напред сини, Еуро 2021! Алхамдулилах”, напиша Бензема на социјалните мрежи.