Белерин изненадувачки може да се врати во Барселона

Десниот бек на Арсенал, Ектор Белерин може неочекувано да се врато во клубот каде што поникна – Барселона.

Каталонски „Спорт“ пренесува дека 27-годишниот Шпанец, кој минатата сезона играше на позај мица во Бетис, може да се врати во Барселона.

Чави бара нов десен бек, а Белерин е „планот Б“ доколку Барселона не успее да го донесе Томас Муние од Борусија Дортмунд за кого германскиот клуб бара 15 милиони евра.

Белерин има договор со Арсенал на уште една година, но неговиот агент работи на раскинување на договорот со „топџиите“, па може како слободен агент да пристигне на „Камп Ноу“.