Барселона се соочува со голем НЕПРИЈАТЕЛ: Досега „настрадаа“ Валверде и двајца првотимци!

Не и можат ништо противниците, додека чекори кон тројната круна, но затоа Барселона страда од друг непријател.

Со почетокот на неделата, во Барселона се вовлече вироза на цревата. Погоолемиот дел од играчите почувствуваа типични симптоми: тегоби, мачнина, пролив и покачена температура.

Особено патат Ернесто Валверде, фитнес тренерот, Хуан Антонио Посанко, како и играчите Бускетс и Андре Гомез.

Португалскиот играч за врска мина најтешко. Покачена температура имаше од саботата, а во средата е хоспитализиран. Примен е дехидриран, па мораше да добие инфузија, по што е пуштен на домашно лекување.

Гомез настапи како првотимец во последните два натпревари пред да се разболи, по што Алавеш во првенството и Валенсија во Купот ги пропушти поради оправдани причини.

Барселона во недела гостува кај Еспањол во градското дерби. До тогаш ќе видиме, дали вирусот ќе ги прескокне останатите.