Дома Трансфер зона Барселона сакала да го врати Тиаго, но Баварците биле разочарани од понудата

Барселона сакала да го врати Тиаго, но Баварците биле разочарани од понудата

Шпанскиот репрезентативец Тиаго Алкантара пред неколку дена потпиша за Ливерпул во кој пристигна од Баерн.

После седум сезони тој одлучи да го напушти Баерн и да се пресели во ПЛ. Ливерпул за него плати 30 милиони евра, а Тиаго потпиша договор на три години.

Тиаго веќе викендот го имашe своето деби за Ливерпул во победата против Челси. Пред да се реализираше трансферот во Ливерпул имаше шпекулации дека Тиаго може да се врати во Барса.

Познато е дека тој е дете на каталонскиот тим, меѓутоа во 2013. година премина во Баерн поради незадоволство од минутажата, а денеска се чини дека Каталонците премногу лесно се откажале од него.

Барса ова лето имаше намера да го врати на Камп Ноу, но тоа не им успеа. Шпанските медиуми пишуваат дека во Баерн биле разочарани кога пристигнала понудата.

Имено, „Кадена СЕР“ пишува дека Барселона за Тиаго испратила понуда вредна 10 милиони евра, што придизвикала разочарување кај Баварците и на крајот тој се одлучи да потпише за Ливерпул.

Коментари
Прочитајте поврзани статии
Load More In Трансфер зона

Проверете

Дефанзивец на Кадис: Го прашав Бензема каков парфем користи

Дефанзивецот на Кадис, Рафаел Хименес откри интересна случка која се случила на мечот со Р…