Барселона има примамлив предлог до Арсенал, но дали Венгер ќе прифати?

Каталонците го сакаат десниот бек по секоја цена, а подготвени се и за размена на играчи.

Хектор Белерин е првата цел на Барселона за овој трансфер период, но сега Шпанецот е далеку од потпис.

Арсен Венгер не сака така лесно да се откаже од својот првотимец за кого бара минимун 50 милиони евра. Сепак, Барселона би можела да има адут во своите раце, а во прашање е Арда Туран, големата желба на Арсенал.

Каталонските медиуми пренесуваат дека Барса би можела да му понуди на Арсенал размена и да го испратат Туран во Лондон, само за да го добијат потписот на Белерин.

Потсетуваме, алтернатива за Белерин е Нелсон Семедо од Бенфика и јасно е дека Барса ова лето ќе мора да ја засили критичната позиција во тимот по заминувањето на Дани Алвеш во Јувентус. Тука сега се Серхио Роберто и Алеиш Видал, но тие не се покажаа како најдобро можно решение оваа сезона.