Барселона со синоќешниот пораз од Кадиз го потврди најлошиот старт на една сезона во Примера од 1987/88 година, кога имаа само 13 поени по 10 натпревари, во однос на 14-те кои ги имаат освоено оваа сезона.
Барселона сега заостанува 12 бода зад Атлетико Мадрид, и е на само три бода од зоната за испаѓање, во несфатлив пад на формата на тимот на Роналд Куман.
Дербија во Мадрид и Минхен: Последна шанса за Тен Хаг? ↓↓↓
Барселона под водство на Куман загубила четири од последните седум натпревари во Ла Лига, а како споредба Сетиен имаше само три порази во 20-те лигашки натпревари, колку што беше на кормилото на Барса.
„Навистина многу сум разочаран, имавме лош пристап и однос на теренот кога ја немавме топката во наши нозе. Тешко е да се објасни ваков пораз, особено кога планиравме да имаме убав крај на неделата. Први примивме гол и нашата реакција не беше добра. Потоа загубивме поради една неверојатна грешка која тешко е да се објасни“, вели Куман.
„Ова е голем чекор назад. Ако не го поправиме нашиот однос на теренот и да ги запреме постојаните падови од одредени моменти на натпревари, не можеме да се надеваме на ништо“, заклучи Холанѓанецот.