Барса му дозволи на Јувентус да преговара со Артур

Играчот од средниот ред на Барселона, Артур, може да го напушти „Камп Ноу“ ова лето и да се пресели во Серија А.

Според Мундо Депортиво, каталонскиот клуб му дозволил на фудбалерот да преговара со Јувентус, кој спрема богата понуда за Бразилецот.

Артур е важен фудбалер на Барселона, но поради економските потешкотии клубот ќе биде приморан да го продаде. Притоа, плејмејкерот бара продолжување на договорот и повисока плата, па тоа е уште една причина Барса да заработи на него.

Бразилецот е голема желба на Маурицио Сари кој во него гледа идеална замена за Миралем Пјаниќ, кој е на излезна врата од клубот.