Барса го нуди Дембеле по „дисконтна цена“

Управата на Барселона очајнички се обидува да го продаде играчот од кој многу се очекуваше, а тоа е Осман Дембеле.

Клубот неколку пати ја намалуваше цената за играчот, меѓутоа никој не сакаше да плати толку пари.

Во Барселона се подготвени за неверојатен потег, а тоа е да ја симнат неговата цена за дури 30 милиони евра. Првично Каталонците бараа 90 милиони евра, а сега се спремни да го продадат за 60 милиони евра.

Каталонците го платија Дембеле 130 милиони евра и ќе бидат во голема загуба со негов трансфер.

Дембеле веќе три години го носи дресот на Барса, но не ги оправда очекувањата, а оваа сезона е повеќе повреден отколку што играл.

Интерес за Французинот покажуваат клубовите од Премиер лигата и Јувентус.