Бадијала сите милиони: Нејмар се соочува со проблем во Париз, кој е нерешлива енигма?!

Трансферот на Бразилецот Нејмар од Барселона во ПСЖ е најголемиот во историјата на фудбалот и тоа е познато.

Парижаните за услугите на 25-годишниот фудбалер платија неверојатни 222 милиони евра, а Нејмар во главниот град на Франција заработува огромни 30 милиони евра, и е ослободен од данок.

Меѓутоа, и покрај сите милиони на сметката, бразилскиот фудбалер се најде во проблеми, бидејќи учењето на францускиот јазик никако не му оди од рака и за него тоа е нерешлива енигма.

Иако ангажираше учител, Нејмар исклучително слабо напредува, па во голем дел помош добива од својот сонародник Маркинјос.

„Нејмар има проблем со јазикот. Постојано ме испрашува за ситници, па дури и како да нарача сон од портокал во ресторан“, истакна Маркинјос.

Од друга страна, Дани Алвес, кој ова лето пристигна во ПСЖ од Јувентус веќе нема проблеми со францускиот. Причината е сосема едноставна.

„Дани порано играше со голем број Французи, и јазикот го познава добро. Со него нема пролеми“, истакна дефанзивецот.

Маркинјос е дел од ПСЖ од 2013. година и тој имаше проблеми да се навикне на животот во Париз.