Арсенал ја заврши годината со уште еден пораз

Арсенал со втор последователен пораз ја заврши календарската година, откако загуби на гостувањето кај Фулам.

Букајо Сака донесе водство за Арсенал во петтата минута, а израмни Раул Хименез во 29-та минута од дуелот. Победничкиот погодок за Фулам го постигна Боби Реид во 60.минута.

Минатото коло „топџиите“ беа поразени од Вест Хем, па сега му дадоа шанса на Ливерпул да се оддалечи на табелата.

Тотенхем се врати во трката за титулата и стигна до петтата позиција со 39 бода, откако на домашен терен го победи Борнмут со 3-1.