Менаџерот на Арсенал, Арсен Венгер не само што ќе остане во клубот по завршувањето на сезоната, туку ќе добие огромен буџет од раководството за да ги реализира своите планови и да направи револуција на тимот.
Според „Мирор“ Венгер ќе потпише нов двегодишен договор и ќе добие буџет од 200 милиони фунти за засилување на тимот.
Дербија во Мадрид и Минхен: Последна шанса за Тен Хаг? ↓↓↓
Готово е извесно дека Арсенал следната сезона нема да игра во Лигата на шампиони, па неколку фудбалери ќе го напуштат „Емирати“.
Месут Озил и Санчез сигурно ќе ги напуштат „топџиите“, а клубот за нив ќе инкасира сума приближна на 100 милиони евра. Притоа на излезна врата од „Емирати“ се и Оливие Жиру, Окслејд Чемберлејн, Оспина, Џек Вилшер и Лукас Перез.
Со парите кои ги има на располаѓае Венгер ќе се обиде да го донесе Алваро Мората од Реал како најголема желба за нападот, а на голманската позиција прв пик е Џордан Пикфорд од Сандерленд.
На списокот на Французинот се и двајцата фудбалери на Селтик, Киеран Тирни и Муса Дембеле како и фудбалерот на Кристал Палас, Вилфред Заха.
Тоа не е се, ќе има промена и во раководната структура на клубот каде Марк Овермарс треба да биде назначен за нов спортски директор.
Учество во игри на среќа е дозволено за лица со 18+ години. Играј одговорно!