Анчелоти: Модриќ има доживотен договор со Реал

Лука Модриќ се уште не потпишал нов договор со Реал Мадрид, но како што најави тренерот Карло Анчелоти тоа е само прашање на време.

„Модриќ се уште не потпишал, но тој практично има доживотен договор со Реал Мадрид“, изјави Анчелоти на гостувањето во телевизијата „Мовистар“ пред вечерашното полуфинале во Суперкупот против Барселона.

Модриќ со 36 години е најстариот играч на Реал Мадрид, а од Шпанија претходно се најавуваше дкеа Хрватот ќе добие едногодишен договор. Тоа е пракса во Реал со сите играчи кои се во поодминати фудбалски години.

И претходниот договор на Модриќ со Реал беше во важност од една година, тој го потпиша на 25. мај 2021 година.