Адеми најави враќање на терените

Македонскиот репрезентативец, Аријан Адеми моментално е надвор од терените поради повреда и не можеше да и помогне на Македонија во квалификациите.

Капитенот на Динамо Загреб се повреди за време на дуелот од Лигата на шампиони, но најави наскоро враќање на терените.

Адеми ја излечи повредата на бутниот мускул, а за хрватските медиуми откри дека ќе се врати за дуелот со Вест Хем.

„Почнав посериозно да тренирам. Чувствувам мала болка, но тоа во оваа фаза е нормално, имам мало воспаление на мускулите. Се е подобро од претходно, се надевам дека ќе можам да играм против Шибеник, за дуелот со Вест Хем сигурно ќе бидам спремен“, изјави Адеми.