“Црната“ листа на Аргентинецот: Еве кои играчи Меси не ги сака во Барса!

Навивачите на Барселона со нетрпение очекуваат Лионел Меси да го продолжи договорот со каталонскиот клуб, бидејќи преговорите траат веќе неколку месеци.

Меси целата своја досегашна кариера ја помина во Барселона и многумина се сигурни дека тој многу брзо ќе ја продолжи соработката. Договорот на Меси истекува на крајот на наредната сезона, но пред да стави потпис на нов договор аргентинскиот фудбалер има неколку услови до управата на каталонскиот гигант.

Како што наведуваат шпанските медиуми Меси сака овој клуб во текот на летото дополнително да се засили за повторно да се борат за титулите на сите фронтови.

На “црната“ листа на Меси наводно се наоѓаат петмина фудбалери, според каталонскиот „Спорт“ тоа се: Андре Гомеш, Арда Туран, Жереми Матје, Лукас Диње и Мунир кој во овој момент настапува за Валенсија како позајмен фудбалер.

Од продажбата на овие играчи Меси верува дека Барселона може да заработи доволно за да доведе барем две звучни засилувања.