Жозе Мурињо има намера да направи сериозен напаѓачки тандем, а има неколку опции.
Алваро Мората е блиску до преминување во Манчестер Јунајтед и тешко дека некој ќе успее нешто да промени.
Шанса да станеш YouTuber! Приклучи се! ↓↓↓
Португалецот има намера да доведе уште еден напаѓач покрај Мората, а во најтесниот избор се Хари Кејн, Ромелу Лукаку и Андреа Белоти.
Според „Мирор“, Жозе Мурињо сака Алваро Мората да го спои со Хари Кејн од Тотенхем. Кејн зад себе има фантастична сезона, покажа дека веројатно е најдобриот напаѓач во Премиер лигата, па неговата цена сигурно нема да биде мала. Познато е дека Тотенхем е тежок преговарач, а се очекува за Кејн да бараат околу 130 милиони евра.
Доколку не успее да го доведе Кејн, Мурињо има уште неколку опции, а секоја од нив е околу 100 милиони.
Се споменува Ромелу Лукаку кој е на мета на Челзи. Јасно е дека Евертон тешко ќе го задржи Белгиецот. Единствено за што во Јунајтед се сомневаат е дали Лукаку и Мората би можеле да играат заедно, Кејн според карактеристиките е далеку подобра опција.
Последен на листата е Андреа Белоти од Торино. Италијанецот исто така е еден од најбараните ова лето, се споменуваше Арсенал, но Венгер сега се сврте кон други опции.