Џузепе Роси позитивен на допинг тест!

Екс напаѓачот на Џенова се соочува со големи проблеми откако се покажа дека е позитивен на антидопинг тест.

Според информациите од Италија, Роси бил позитивен на антидопинг контролата направена на 12 мај по мечот помеѓу Беневенто и Џенова.

Роси бил позитивен на дорзоламид, органско соединение кое најчесто се наоѓа во капк за очи и лечење глаукома.

Самиот фудбалер ги негираше овие обвиненија, и истакна дека не користел никакви капки, но сега се соочува со едногодишна суспензија.

31-годишниот фудбалер важеше за голем талент, но бројните повреди го спречија неговиот развој, а моментално е без ангажман.