Јувентус ја „краде“ големата желба на Интер

Лазар Самарџиќ ова лето беше на чекор од трансфер во Интер, а сега е голема желба на Јувентус.

Интер постигна договор со Удинезе за трансфер тежок 20 милиони евра плус еден младински фудбалер, веќе закажа лекарски прегледи, но трансферот пропадна бидејќи агентот побара повисока плата.

Самарџиќ и оваа сезона ја започна одлично, а сега силен интерес за него покажува Јувентус.

„Бјанконерите“ веќе почнале преговори со агентот на Самарџиќ и сакаат да го доведат во зимскиот преоден рок како замена за суспендираниот Фаџоли.

Наскоро Јувентус ќе испрати официјална понуда до Удинезе, клуб со кој традиционално има добри односи.