Шпалир, аплаузи и топол пречек го дочекаа Николо Савона на враќањето на терен. По девет месеци пауза поради тешка повреда на коленото, дефанзивецот на Нотингем Форест во вторникот повторно тренираше на трева.
Соиграчите и членовите на стручниот штаб на „Сити Граунд“ го пречекаа 23-годишниот Италијанец со шпалир низ кој тој помина, а потоа го поздравија со аплауз. Клубот го сподели моментот со видео на своите социјални мрежи.
Зад Савона е долг период на закрепнување по проблемот со коленото, поради кој мораше да оди на операција и предвреме да ја заврши сезоната 2025/26. Последниот настап го имаше во јануари, при поразот од Брага со 0-1 во Лига Европа.
Фудбалерот израснат во академијата на Јувентус минатото лето пристигна во Форест за 15,5 милиони евра. Пред повредата успеа да се наметне како стандарден првотимец на премиерлигашот, а сега повторно е на тревата по долгото отсуство.
Savo back on the grass. 😍🇮🇹 https://t.co/nup1X4BPkY
— Nottingham Forest (@NFFC) October 27, 2026
Фото: SonoGrazy / Wikimedia Commons, CC BY-SA 4.0
Учество во игри на среќа е дозволено за лица со 18+ години. Играј одговорно!