Јувентус тргнува по дефанзивецот на Арсенал

Јувентус е силно заинтересиран за дефанзивецот на Арсенал, Габриел и веќе ги започнал преговорите.

24-годишниот бразилски дефанзивец одигра одлична сезона и го привлече вниманието на многу европски гиганти.

„Тутоспорт“ пренесува дека интересот на Јувентус за Габриел е сериозен и „бјанконерите“ се спремни да го вклучат Артур во потенцијалната зделка со Арсенал.

Приоритет на „старата дама“ ова лето ќе биде доведување на двајца дефанзивци бидејќи Киелини замина, а Де Лихт е на излезна врата.

Арсенал е спремен да ја прифати понудата бидејќи е заинтересиран за Артур, но најпрво сака да донесе замена за Габриел.