Јосип Векиќ по заминувањето од Вардар пронајде нов клуб

Joсип Векиќ не се прослави во Вардар иако беше најавен како големо засилување.

Авантурата на Векиќ во Вардар заврши релативно брзо, а од денес тој има нов клуб. Во иднина Векиќ ќе го носи дресот на Кринс од Луцерн кој го промовираше како нивно ново засилување.

Хрватот со клубот кој игра во најсилната швајцарска лига потпиша договор на две години. Минатата сезона стигнаа до полуфиналето на плеј-офот каде што беа поразени од Кадетен Шафхаузенб.

Кринс минатото лето беше ривал на Металург во квалификациите за пласман во Европската лига на ЕХФ и беше поразен во двомечот.