Јирген Клоп доби совет во Ливерпул да доведе српски напаѓач

Ливерпул доби совет од легендата на клубот.

Поранешниот фудбалер на Ливерпул, Џон Олдриџ истакна дека Александар Митровиќ е одличен напаѓач и човек кој треба да се следи.

Олдриџ е легенда на Ливерпул и за само три сезони во клубот постигна 63 погодоци.

„Импресиониран сум од Митровиќ, висок е, силен и постигнува голови. Навистина ми се допаѓаат играчите со таков стил. Мислам дека на Ливерпул може да му донесе разновидност и план Б, верувам дека би им бил од голема корист“, изјави Олдриџ.

Митровиќ би бил втора опција кога би пристигнал во овој клуб, па прашање е колку Србинот има желба да биде втора опција.

Сепак, ова е само совет од човек кој сега не е во клубот, а останува да се види дали Клоп ќе ја разгледа понудената опција.