Јунајтед и Сити во потрага по голман, имаат иста цел

Манчестер Јунајтед на лето најверојатно ќе се раздели со Андре Онана, продавајќи го во Саудиска Арабија за добра понуда. Интересно е што и голманот на Манчестер Сити, Едерсон, се подготвува да се упати кон истата дестинација.

Така градските ривали во истиот преоден рок ќе мора да привлечат нови голмани, а нивните менаџери Рубен Аморим и Пеп Гвардиола насочија кон идентични играчи за оваа позиција. Според „Сан“, двата тима на своите списоци го имаат чуварот на Антверпен, Сент Ламенс, кој има само 22 години.

За него се заинтересирани и Њукасл и Вест Хем, а неговата цена е околу 30 милиони фунти.

Другото име што се споменува е 23-годишниот голман на Лил, Лука Шевалие, чија цена е нешто повисока – околу 40 милиони.