Ѕвездата на Баерн „флертува“ со Арсенал

Ѕвездата на Баерн Минхен, Давид Алаба призна дека во детството бил голем фан на Арсенал и се радува што ќе игра против „топџиите“ во Лигата на шампиони.

Ваквата изјава на Алаба беше доволен повод да започнат шпкулациите за негов трансфер на „Емирати“, иако тешко да се поверува дека Баерн ќе се отаже од својата ѕвезда.

Ако ништо друго Алаба уште во март ќе има шанса да игра на „Емирати“ кога на програмата е 1/8-финалниот натпревар во лигата на шампиони помеѓу Баерн и Арсенал.

„Се радувам на дуелите против Арсенал. Тоа сигурно ќе бидат одлични натпревари и за мене ќе имаат посебна тежина бидејќи Арсенал ми беше омилен клуб во деството. Фантастично е чувството да се игра во Лондон, скоро како Алијанц Арена“, изјави 24-годишниот Австриец.