Ѓоковиќ со лесна победа го стартуваше турнирот во Рим

Најдобриот светски тенисер Новак Ѓоковиќ со сигурна победа против Русинот Аслан Карацев го започна турнирот во Рим. Ѓоковиќ славеше победа со 2:0 во сетови, 6:3 и 6:2.

Карацев го загуби првиот гем на свој сервис, но успеа брзо да возврати и да изедначи на 2:2. Во тој период рускиот тенисер даваше солиден отпор и не дозволуваше Ѓоковиќ лесно да ги освојува следните неколку гема. Сепак во осмиот Новак ја искористи втората брејк топка и стигна до 5:3, а потоа на свој сервис со 6:3 го освои сетот.

Во вториот сет Ѓоковиќ прикажа уште посигурна игра и веднаш поведе со 3:0, до крајот без проблеми стигна до 6:2.