Ѓоковиќ до крајот на годината може да доживее пад каков што не памети

Српскиот тенисер, Новак Ѓоковиќ би можел да доживее голем пад на АТП листата ако до крајот на годината не освои бодови на турнирите ки следат.

Во случај на неуспеси и во зависност каде колку бодови би изгубил, може да се случи дури и да испадне од топ 10. Српскиот тенисер во последните недели од минатата година освои 2.300 бодови на Мастерсот во Париз и АТП финалето, каде што би можел да не настапи ако турнирот во Шангај или овогодинешниот во Париз не поминат добро.

Но, треба да се каже и дека АТП листата за Ѓоковиќ во овој момент не е главна цел, негова голема желба беше олимпиското злато кое и го освои.

Кога се плановите за понатомошниот дел од кариерата Ѓоковиќ истакна дека не планира на предолги стази.

„Во минатото обично имав распоред за шест месеци однапред, сега не е така. Сакам да се одморам психички и физички, па потоа размислувам што ќе правам и каде ќе играм“, изјави Ѓоковиќ.