„Ѓулер повеќе ја сака клупата во Реал Мадрид, отколку статусот ѕвезда“

Арда Гулер не добива шанса за игра во Реал Мадрид. Минутите му се скромни, па Турчинот наводно размислува за други опции за следната сезона. Многумина сметаат дека Арда направи грешка со изборот на Кралевите, но не сакаше да си оди иако претходните месеци имаше понуда од Астон Вила. Тоа го откри спортскиот директор на клубот Мончи.

Рамон Родригез Вердехо – познат како Мончи, открива како Астон Вила се обидела да ја доведе ѕвездата на Реал Мадрид Арда Гулер.

Од Бирмингем се обидоа да го убедат да дојде на Вила Парк. Сепак, Турчинот не сакаше да дојде, па Мончи се одлучи да го доведе Шпанецот Марко Асенсио.

„Многу добро го познавам Арда Гулер. Тој е играч што секој спортски директор го следел во Турција. На крајот, го доведе Реал Мадрид. Видоа потенцијал во него. Тој е играч кој го обожавам”, вели Мончи и продолжува со приказната.

„Совршено се вклопува во сè што бара Астон Вила. Ни требаше некој со сличен профил. Ни треба играч што игра меѓу линиите или како чиста десетка. Може да игра и на крило. На крајот, потпишавме со Марко Асенсио.”

Мончи ја коментира и ситуацијата дека Арда во Мадрид нема минутажа каква што сака. Целосно ги разбира одлуките на Карло Анчелоти.

„Конкуренцијата во Реал Мадрид е неверојатна. Кого би исфрлил од тимот? Анчелоти не може да игра со 12 играчи. Ако Арда не игра, тоа значи дека има повеќе доверба во некој друг играч“.