Челзи рутински, нула во Виљареал🎥

Виљареал и Јувентус одиграа реми 1:1, додека Челзи со една нога е во четвртфинале после победата над Лил (2:0).

„Старата дама“ одлично го започна мечот и дојде до водство после само 32 секунди. Влаховиќ со мајсторија дојде до својот прв гол во Лигата на шампиони.

До крајот на полувремето Виљареал се обидуваше да израмни, но Јувентус се закануваше со контранапади и беше поопасен.

Во вториот дел домаќините заиграа подобро и стигнаа до израмнување во 66-та минута со голот на Дани Парехо, што на крајот се покажа како конечен резултат, па патникот во четвртфиналето ќе се решава во Торино.

Челзи ја оправда улогата на фаворит против Лил и се доближи до четвртфиналето, иако гостите покажаа дека на моменти се достоен противник.

„Сините“ уште во 8-та минута дојда до водство со голот на Хаверц, а конечните 2:0 ги постави Пашалиќ во 64-та минута.