Челзи има нова мета, тргнува по Скриниар

Челзи откако ја загуби битката за Жил Кунде, сега ќе тргне по дефанзивецот на Интер, Милан Скриниар, пренесуваат медиумите на Островот.

Челзи е во потрага по врвен дефанзивец, а откако не успеа да го добесе Де Лихт и Кунде, сега ќе се насочи кон Скриниар.

Интер е спремен да го продаде дефанзивецот поради финансиски проблеми и започна преговори со ПСЖ, но двете страни не можат да најдат заеднички јазик.

Интер бара 70 милиони евра за слободата на Скриниар, додека ПСЖ не сака да плати повеќе од 50 милиони евра за играч кој влезе во последната година од договорот.

Сега Челзи ќе се обиде да ја искористи таквата ситуација и ќе испрати понуда од 60 милиони евра плус бонуси, сума која се верува дека Интер може да ја прифати.

Челзи веќе го донесе Кулибали, но бара уште еден врвен дефанзивец кој ќе му биде партнер на Сенегалецот, а Скриниар во моментов изгледа како најреална опција.