Халанд: Секоја вечер спијам со пет топки, тие ми се како девојки

Ерлинг Халанд е тинејџерот кој ја воодушеви Европа со своите настапи во дресот на австриски Салзбург.

Норвешка во последните два квалификациски натпревари за ЕП ќе игра против Фарски Острови и Малта. Сепак, натпреварите на Норвешка и тоа како во овие моменти привлекуваат внимание и тоа само поради Халанд. Фарски Острови и Малта можеби ќе бидат прилика за ново гол-шоу на голгетерското чудо.

Халанд пред овие два натпревари даде една интересна изјави и откри дека пет топки со кој постигнал хет-трик си ги чува во својот кревет.

„Најдобро се чуствувам кога постигнувам голови. Во мојот кревет имам пет топки со кој сум постигнал хет-трик. Со нив спијам секоја вечер, тие ми се како девојки“, изјави Халанд.

Во овој момент тој се поврзува со европски гиганти како Јувентус и Манчестер Јунајтед, па останува да видиме дали во јануарскиот преоден рок ќе ја промени средината.