Фелипе Мело открива: Имав договор со Реал, се откажаа од мене кога го нагазив Робен на СП (ВИДЕО)

Бразилскиот фудбалер Фелипе Мело призна дека во 2010 година имал договор со Реал Мадрид.

Денес 37 годишниот Мело во тој период го носеше дресот на Јувентус, а пред Светското првенство во Јужна Африка имал договор со „кралевите“.

Сепак, Реал се откажал од тој трансфер кога Мело го нагазил Робен во натпреварот против Холандија.

„Се беше договорено, но тоа што се случи со Робен уништи се. Останав во Јувентус, а потоа отидов во Галатасарај. Таму станав најдобриот Бразилец во турскиот фудбал и освојував трофеи. Тоа е незаборавно. Можеби со Реал ќе испишев историја, но немаше да бидам обожаван како во Галатасарај“, изјави Мело.