ФА отвори нова постапка против Гвардиола: Мурињо се сомнева дека би бил толериран за истото!

Фудбалскиот сојуз на Англија отвори повторно истрага против каталонскиот предводник на „Граѓаните“, Пеп Гвардиола.

Причината овојпат е прекршок на правилата врзани за забраната на истакнувањето на политички пораки на натпреварите.

Се работи за жолтата лента која Гвардиола во неколку изминати натпревари ја носеше на својата рака, што беше протолкувано како поддршка за каталонските политичари кои се затворени поради битката за прогласување на независност на покраината Каталонија и одделување од Шпанија.

Каталонецот по повод овој случај ќе треба да се изјасни до 5ти март, конкретно до 18 часот.

Мурињо на ова имаше реакција уште по дуелот помеѓу градските ривали, по кој истакна дека се сомнева дека нему би му било толерирано вакво нешто.