Тимот на Ристовски со комичен пенал во 92 минута стигна до победа (ВИДЕО)

Тимот на македонскиот фудбалер Стефан Ристовски, Спортинг во вчерашниот натпревар оствари победа на гостувањето кај Боависта.

Натпреварот беше навистина интересен, а на крајот видовме три гола и многу драма.

Домашниот тим прв стигна до предност, но гостите со автоголот на Еду Мачадо стигнаа до изедначување.

Победата на гостите ја донесе Бруно Фернандеш во 92-та минута од пенал кој во најмала рака беше дискутабилен.

Гостинскиот играч падна во шеснаесетникот после еден дуел, а судијата наседна на неговата сиумулација и покажа на белата точка.

Ристовски ги одигра сите 90 минути за Спортинг кој во овој момент се наоѓа на четвртата позиција во португалското првенство со 52 освоени бодови.