Се очекува Примера да продолжи од 2-ри мај

Европските фудбалски федерации се во исчекување на конечната одлука на УЕФА после денешната видеоконференција.

Веќе е јасно дека Европското првенство ќе биде одложени за јуни 2021 година, а тоа ќе им даде шанса на националните првенства да се доиграат во текот на јуни и до средината на јули.

Според шпанскиот весник „АС“ челните луѓе на Ла Лига очекуваат првенството да продолжи од 2-ри мај (сабота) и тоа без публика.

Ќе биде направена програма за останатите 11 кола, така што ќе се игра и среде недела. Според тој план првенството се очекува да заврши во јуни.

Сигурно дека клубовите ќе прикажат големи загуби поради играњето без публика, но главна цел е да се заврши регуларно првенството.