Руни прифатил двојно помала плата: Преговорите со него беа најкратки од кога сум јас во клубот

Вејн Руни минатото лето се врати во Евертон после 13 години поминати во Манчестер Јунајтед.

Искусниот 32 годишен фудбалер сакаше пред крајот на кариерата повторно да заигра во дресот на Евертон и тоа му успеа, но мораше да се откаже од големите примања.

Во Јунајтед Руни заработуваше огромни 300.000 фунти неделно, додека во Евертон прифатил да добива двојно помалку. Тоа го потврди и првиот човек на клубот Бил Кенврајт.

„Тоа беа најкратките преговори од кога сум јас во клубот. Руни сакаше се само да се врати дома и се откажа од својата астрономска плата“, Кенврајт.

Руни зад себе има сосема добра сезона и на 31 натпревари постигна 10 погодоци, а „карамелите“ и покрај големите засилувања играат под очекувањата.